FrequencyForty

صرلي بالسيارة ساعة و يمكن ساعتين
صافنة بوجه هالولاشي
و بس نطق هالولاشي قال
شلحتي حياتك و رميتيها وين؟

٣٣ سنة بتعلم أجمع كم كلمة لأحكي
و من كم شهر نسيت الكلام
و كل يوم الصبح
بغطي شبه التوازن جمبي ليرجع ينام

المشاعر كنستها و حطيتها بالزاوية
على نية أنو شي يوم أرجعلها
بس بين حرب و قلب و حياة
الضو الي نحرق بعرف أنو ما بيرجع يضوي

بلمح كيف كنت قبل كل كل كل كل شي
بزعل
بفكر كيف رح أكون مع كل هاللامبالاة بالسعادة
متل جدي و أبوي و كل من سبق ؟

بَعِد الأيام بدل ما أعد الرصاص
يمكن كنت بفضل بدل ما أرمي حياتي، أفديها
دبحو الأرض و دبحونا
و عالسّكين يا بطيخ